ملتان۔2ستمبر(اے پی پی)معروف روحانی پیشوا حضرت بہائوالدین زکریا ملتانی دے 3 ݙیہاڑی عرس دیاں تقریباں جمعہ توں ملتان اچ شروع تھی ڳین۔ ڈپٹی کمشنر ملتان طاہر وٹو اتے سٹی پولیس آفیسر خرم شہزاد حیدر حضرت بہاالدین زکریا دے عرس تے مزار شریف دا دورہ کیتے اتے سکیورٹی اتے ٻئے انتظامات ݙٹھن۔ انہاں ضلعی محکماں اتے پولیس کیمپاں دا وی دورہ کیتے اتے چوی ڳحنٹے فعال کردار ادا کرݨ دی ہدایت کیتی جو زائرین کوں ہر سوکھ ݙتا ونڄے، کھاوݨ پیوݨ سودھا رہائش دا انتظام ہووݨا چاہیدے۔ زائرین دی سخت چیکنگ کیتی ویندی پئی اے اتے سکریننگ تے عمل تھیندا پئے۔
