اسلام آباد۔2ستمبر(اے پی پی)صدر مملکت ڈاکٹر عارف علوی ساریاں حکومتاں اتے سیاسی جماعتاں کوں زور ݙیندے آکھیے جو او سیلاب دی مصیبت اچ سیاست چھوڑ تے صرف سیلاب زدگان دی مدد تے توجہ ݙیون، سارے فریق پاکستان دے عوام، کاروباری ادارے، سول سوسائٹی اتے سماجی تنظیماں کوں متحرک کرݨ کیتے ملک گیر مہم چلاون اتے سول و فوجی انتظامیہ سیلاب زدگان کوں بچاوݨ، انہاں دی بحالی اتے تباہ شدہ انفراسٹرکچر …
سیاست چھوڑ تے سیلاب زدگان دی مدد تے توجہ دی لوڑھ اے، صدر مملکت ڈاکٹر عارف علوی دی سینئر صحافیاں نال ڳالھ مہاڑ
اسلام آباد۔2ستمبر(اے پی پی)صدر مملکت ڈاکٹر عارف علوی ساریاں حکومتاں اتے سیاسی جماعتاں کوں زور ݙیندے آکھیے جو او سیلاب دی مصیبت اچ سیاست چھوڑ تے صرف سیلاب زدگان دی مدد تے توجہ ݙیون، سارے فریق پاکستان دے عوام، کاروباری ادارے، سول سوسائٹی اتے سماجی تنظیماں کوں متحرک کرݨ کیتے ملک گیر مہم چلاون اتے سول و فوجی انتظامیہ سیلاب زدگان کوں بچاوݨ، انہاں دی بحالی اتے تباہ شدہ انفراسٹرکچر دی تعمیر ِنو سانقے ہتھ ونݙاون۔ اے ڳالھیں انہاں ایوان صدر اچ سینئر صحافیاں مجیب الرحمن شامی، سہیل وڑائچ، گوہر زاہد ملک، اویس رئوف اتے نواب کیفی نال ملݨ ویلھے آکھی۔ خیبرپختونخوا، جنوبی پنجاب ، سندھ اتے بلوچستان دے سیلاب زدہ علاقیاں دے دورے بارے سینئر صحافیاں نال الیندے صدر آکھیا جو پاکستان اچ سیلاب نال تباہی گلوبل وارمنگ اتے موسمیاتی تبدیلیاں پاروں تھئی اے، ایں سانڳے ساکوں ہک مٹھ تے کم کرݨا چاہیدے اتے محفوظ مستقبل کیتے جامع حکمت عملی اپںاوݨی ہوسی۔
