وزیراعظم شہباز شریف دا گلگت بلتستان دے سیلاب زدہ علاقیاں کیتے 3 ارب روپے دا اعلان، نقصانات دا اندازہ لاوݨ دی ہدایت

گاہکوچ ۔2ستمبر(اے پی پی)وزیراعظم پاکستان محمد شہباز شریف اپݨے دورہ گلگت بلتستان اچ سیلاب متاثرہ علاقیاں کیتے 3 ارب روپے ݙیوݨ دا اعلان کریندے مرݨ آلے لوکاں دے وارثاں کوں 10، 10 لکھ روپے ݙیوݨ دی وی ہدایت کیتی اے اتے آکھیے جو علاقے اچ سیلاب نال تھیوݨ آلے نقصانات دا جائزہ ڳھن ے ایندے مطابق نقصاناں دے ازالہ ٻھریا ونڄے۔ وزیر اعظم چیئرمین نیشنل ڈیزاسٹر مینجمنٹ اتھارٹی اتے چیف سیکرٹری گلگت بلتستان کوں آکھیا جو او سیلاب دے نقصانات دا تخمینہ لاون۔ دورہ گلگت بلتستان اچ مشیر برائے امور کشمیر و گلگت بلتستان قمر الزمان کائرہ اتے وزیراعظم دے معاون خصوصی برائے پبلک پالیسی/ سٹریٹجک کمیونیکشن فہد حسین وی نال ہن۔ وزیر اعظم کوں حکومت گلگت بلتستان اتے ضلعی انتظامیہ غذر بریفنگ ݙتی جو سیلاب نال 10 ہزار کنال زرعی اراضی متاثر تھئی اے، ہک ہزار توں ودھ مکاناں دا جزوی یا مکمل نقصان تھئے، کئی رابطہ پل اتے سڑکاں، سیکڑاں واٹر سپلائی لائناں اتے واٹر چینلز تباہ تھین، کئی کلومیٹر سڑکاں دا بنیادی ݙھانچہ خراب تھئے۔ وزیر اعظم بریفنگ توں بعد علاقے کیتے 3 ارب روپے دا اعلان کیتا جیڑھے متاثرین دی امداد و بحالی تے خرچ تھیسن۔