وزیراعظم شہباز شریف دی خصوصی ہدایت تے سیلاب آلے علاقیں اچ بجلی دی بحالی دا کم ہنگامی بنیاداں تے جاری ‎‎

اسلام آباد۔3ستمبر (اے پی پی):وزیر اعظم شہباز شریف دی خصوصی ہدایت تط سیلاب آلے علاقیں بجلی دی بحالی دا کم ہنگامی بنیاداں تے جاری اے ، وزیر اعظم بجلی دی سپلائی دی بحالی کوں خود توں مانیٹر کریندے پئن ، ایں حوالے نال انہاں کوں روزانہ دی بنیاد تے رپورٹ پیش کیتی ویندی پئی اے ، وزیر اعظم دی ہدایت تے پاور ڈویژن دے سارے افسران کوں سیلاب آلے علاقیں اچ بجلی دی سپلائی دی بحالی دا دے کم تے مامور کرݙتا ڳئے ، ڈسٹربیوشن کمپنیز دے سیلاب توں متاثرہ 81 گرڈ اسٹیشنز اچوں 46 گرڈ سٹیشنز توں سپلائی بحال کرݙتی ڳئی اے ،وزیر اعظم دے حکم تے عوام دی سہولت کیتے ڈسٹربیوشن کمپنیز دے چیف ایگزیکٹو افسران دے رابطہ نمبرز اخبارات اچ تے پاور ڈویژن دی ویب سائٹ تے ݙتے ڳئن ، وزیر اعظم آفس میڈیا ونگ توں جاری بیان موجب ابتدائی طور تے 11 کے وی کے 881 فیڈرز ساوݨ دے مینھ تے سیلاب توں متاثر تھئن جیں توں 9 لکھ 75 ہزار صارفین کوں بجلی دی ترسیل متاثر تھئی تاں جو ہݨ تئیں متاثرہ فیڈرز اچوں 475 فیڈرز بحال کرݙتے ڳئن جیں توں 170600 صارفین کوں بجلی دی ترسیل بحال تھی چکی اے ۔ سیلاب آلے علاقیں اچ کرنٹ لاوݨ دے واقعات توں بچݨ کیتے ہݨ تئیں 35 گرڈ سٹیشنز توں بجلی فراہمی شروع نی کیتی ڳئی انہاں 35 اچوں 25 گرڈ سٹیشنز بلوچستان، 5 سندھ اتے 5 خیبر پختونخوا دے سیلاب آلے علاقیں اچ واقع ہن ۔ نیشنل ٹرانسمیشن اینڈ ڈسپیچ کمپنی دی 220 کے وی 2 ٹرانسمیشن لائنز سبی توں کوئٹہ اتے دادو توں خضدار سیلاب اتے مینھ توں متاثر تھئن ۔ دادو توں خضدار ٹرانسمیشن لائن دی بحالی دا کم کل تئیں مکمل کرڳھدا ویسی جیں توں متاثرہ علاقیں اچ 300 میگا واٹ بجلی دی سپلائی بحال تھی ویسی ۔