سیلاب توں متاثرہ ضلعیں اچ 1200 ہیلتھ کیمپ لاتے ویسن، وفاقی وزیر صحت عبدالقادر پٹیل

اسلام آباد۔4ستمبر (اے پی پی):وفاقی وزیر صحت عبدالقادر پٹیل آکھیے جو سیلاب توں متاثرہ ضلعیں اچ 1200 ہیلتھ کیمپ لاتے ویسن، اے کیمپس نیشنل ایمرجنسی آپریشن سیل، صوبائی ای او سیز تے آغاخان یونیورسٹی دی سانجھ نال لاتے ویسن ، وزارت قومی صحت دی طرفوں جاری بیان موجب وفاقی وزیر قومی صحت عبدالقادر پٹیل آکھیے جو سیلاب متاثرین کوں طبی سہولتاں ݙیوݨ کیتے عملی اقدامات کیتے ویندے پئن۔وفاقی وزیر عبدالقادر پٹیل آکھیے جو سیلاب توں متاثرہ ضلعیں اچ تقریبا 1200 ہیلتھ کیمپ لاتے ویسن ، ہیلتھ کیمپس اچ بنیادی صحت دی خدمات ݙتیاں ویسن ، انہاں آکھیے جو ہیلتھ کیمپس اچ دوائیں ، ٻالاں دی ویکسینیشن دی فراہمی یقینی بݨائی ویسی ، انہاں آکھیے جلد دے امراض، اکھیں دے انفیکشن، اینٹی ڈائریا دیاں دوائیں وی ݙتیاں ویسن ، ڈیرہ اسماعیل خان پشاور، ٹانک، دے ہر ضلع اچ وی ہیلتھ کیمپس لاتے ویسن ۔ انہاں آکھیے جو بلوچستان دے6 ضلعیں اچ مجموعی طور تے ترائے سو کیمپ لاتے ویسن ، ایویں کراچی اچ مجموعی طور تے 95 ہیلتھ کیمپ لاتے ویسن جݙاں جو خیبر پختونخوادے8 ضلعیں کل 4سو ہیلتھ کیمپس لاتے ویسن ، انہاں آکھیے جو ڈیرہ اسماعیل خان پشاور ٹانک نوشہرہ، چارسدہ، سوات، شانگلہ، دیر لوئر شامل ہن۔ پنجاب دے2 ضلعیں ڈی جی خان راجن پور ھک سو طبی کیمپس بݨائے ویسن ۔