اسلام آباد۔14ستمبر(اے پی پی)قومی ایئر لائن پی آئی اے اسلام آباد توں چین کیتے کرایاں اچ فوری کمی دا اعلان کر ݙتے اتے چین ونڄݨ آلیاں پروازاں دے کرائے 10 فیصد ڳھٹا ݙتن۔ پی آئی اے دفاتر توں ٹکٹ ڳھنݨ آلے طلبا 22 فیصد رعایت ڳھن سڳسن اتے انہاں کوں 80 کلو تئیں سامان چاوݨ دی اجازت ہوسی۔ کرایاں اچ کمی پاکستان توں ونڄݨ آلیاں پروازاں تے فوری لاگو ہوسی۔ پی آئی اے چین دے شہراں چینگدو اتے شیان کیتے ہفتے اچ 2 پروازاں چلیندی پئی اے۔
