مظفرگڑھ۔28ستمبر (اے پی پی):مظفرگڑھ دی عدالت علاقہ مجسٹریٹ خیانت کیس اچ سابق رکن قومی اسمبلی جمشید دستی کوں رہا کرتے مقدمہ خارج کر ݙتے۔سربراہ پاکستان عوامی راج پارٹی جمشید دستی کوں منڳل کوں مظفرگڑھ دے تھاݨہ محمود کوٹ اچ آئل ٹینکرز ایسوسی ایشن دے فنڈ توں مل ڳھدی ڳئی ایمبولینس اچ خیانت دے الزام دے مقدمہ اچ راو لپنڈی پولیس گرفتارکیتا ہئی ۔ایس ایچ او تھاݨہ محمود کوٹ زوار حسین نفری گھن تے راولپنڈی ڳئے اتھاں دی مقامی عدالت جمشید دستی کوں راہداری ضمانت تے مظفرگڑھ پولیس دے حوالے کرݙتا ہئی ، پولیس تھاݨہ محمود کوٹ جمشید دستی کوں مظفرگڑھ دی تحصیل کوٹ ادو اچ علاقہ مجسٹریٹ دی عدالت پیش کیتا،اللہ بخش جسرا علاقہ مجسٹریٹ وکلا دے دلائل سݨ تے جمشید دستی کوں رہا تے مقدمہ خارج کرݙتا،جمشید دستی دے وکیل ملک شفیق الرحمان ملانہ ایڈووکیٹ ݙسایا جو فریقین اچ 2019 اچ راضی نامہ تھی چکیا ہئی جیں دی بنا تے جمشید دستی کوں رہا تے مقدمہ خارج کیتا ڳئے ۔
