اسلام آباد۔2اکتوبر (اے پی پی) جرمنی دے سفیر الفریڈ گراناس آکھیا جو جرمنی پاکستان توں چھل متاثرہ ٹٻراں کیتے مالی امداد 56 ملین یورو تئیں ودھا ݙتی اے۔ آݙت وار کوں آپݨے ٹویٹ اچ انہاں آکھیا جو متاثرہ ٹبراں دی مدد اتے اڄوکے چھل دے تباہ کن اثرات نال نبڑݨ کیتے امداد ودھائی ڳئی اے۔ انہاں آکھیا جو اساں پاکستان دے بہادر لوکاں نال کھڑوں اتے ایں اوکھے ویلھے اساں آپݨی مدد اتے تعاون کریندے رہسوں۔ اساݙا ملک پاکستان اچ چھل متاثرین کوں خوراک، حفظان صحت بارے مصنوعات، طبی سامان وغیرہ ݙیسی۔ اساݙی ہمدردیاں متاثرین دےٹٻراں نال ہن جینویں جو صدر فرینک والٹر اسٹین میئر اتے وفاقی چانسلر اولاف شولز آپݨے ہم منصباں دے ناں تعزیتی خطوط اچ کیتے۔
