اسلام آباد۔4اکتوبر (اے پی پی):وفاقی وزیر اقتصادی امور سردار ایازصادق نال پاکستان اچ چین دے سفیرنونگ رونگ ملاقات کیتی۔وفاقی وزیر وزارت اچ آمد تے چین دے سفیردا پرتپاک خیرمقدم کیتا۔ ملاقات اچ سانجھی دلچسپی دے امور تے ڳالھ مہاڑ کیتی ڳئی ۔سردار ایاز صادق ݙوہیں ملکاں وچال طویل المدتی خوشگوار تعلقات دی تعریف کیتی تے آکھیے جو پاکستان تے چین وچال مثالی تعلقات ہن،اساں چین نال ھک خاص رشتہ رکھیندوں جیڑھا جو اساں دنیا دی کہیں ٻئی ݙوجھی قوم نال نی رکھیندے ، انہاں سیلاب دیاں تباہ کاریاں دے دوران بچاؤ اتے ریلیف کیتے چین دی طرفوں پاکستان کوں ݙتی ونڄݨ آلی امداد دا شکریہ ادا کیتے ۔ چینی سفیر ݙوہیں ملکاں دے بھرپی آلے تعلقات دی تعریف کیتی تے انہاں آکھیے جو چین دی حکومت پاکستان کوں ریسکیو تے ریلیف اچ مدد ݙیوݨ سانڳے ودھ چڑھ تے حصہ گھندی پئی اے ، انہاں آکھیے اکتوبر تئیں سیلاب متعلق فوری امدادی سامان گھن تے ونڄݨ آلے سارے کارگو کراچی پڄ ویسن ، انہاں نویں سروں تعمیر تے بحالی دے مرحلے اچ مزید مدد کرݨ دا یقین ݙیوائے۔
