اسلام آباد۔4اکتوبر(اے پی پی)وزیراعظم دے مشیر فیصل کریم کنڈی آکھیے جو سرائیکی وسیب کیتے ساݙی اتحادی حکومت ایں بجٹ اچ ڈیرہ اسماعیل خان اچ آبپاشی سانڳے 237 ارب روپے منظور کیتن جیندے کیتے اساں وزیراعظم شہباز شریف، وزیر خارجہ بلاول بھٹو زرداری اتے وفاقی وزیر آبی وسائل سید خورشید شاہ دے مشکور ہیں۔ اے ڳالھ انہاں ” اے پی پی” سرائیکی سروس نال خصوصی ڳالھ مہاڑ کریندے آکھی۔ فیصل کریم کنڈی آکھیے جو اے رقم چشمہ لیفٹ کینال منصوبے تے خرچ تھیسی جیڑھا چشمہ رائیٹ بنک کینال دا حصہ اے اتے اے منصوبہ ذوالفقار علی بھٹو دا خواب ہئی۔ انہاں آکھیا جو ایں منصوبے نال ڈی آئی خان اچ زرعی اراضی قابل کاشت تھیسی اتے زرعی ترقی اچ مدد ملسی کیوں جو ایندا کݨک، گنے اتے ٻیاں نقد آور فصلاں دی پیداوار ودھاوݨ کیتے اہم کردار اے، اساں اپݨی خوراک دی پیداوار اچ خود کفیل تھیسوں، سرائیکی بیلٹ اتے ڈی آئی خان دے لوک زرعی ترقی نال مسفید تھیسن۔
