ملتان۔5اکتوبر (اے پی پی) یوٹیلیٹی سٹورز کارپوریشن (یو ایس سی) ملتان ریجن وزیراعظم دے فلڈ ریلیف پیکیج دے تحت جنوبی پنجاب دے چھل توں متاثر ٹٻراں اچ 78 ہزار راشن بیگ تقسیم کیتن۔ریجنل منیجر چوہدری سجاد حسین چدھڑ اے پی پی نال ڳالھ مہاڑ کریندیں ہوئیں آکھیا جو ڈی جی خان، راجن پور، قبائلی علاقے اتے سکھر دے ضلعیاں اچ چھل توں متاثر لوکاں کوں راشن دے تھیلے ݙتے ڳئن۔ انہاں آکھیا جو راشن دے تھیلے اچ دالیں، چاول، کھنڈ، لوݨ، گھیو، اٹا، اچار، کھیر اتے ٻئی شہیں شامل ہن۔ انہاں آکھیا جو وفاقی حکومت ولوں چھل متاثرین دی مدد کیتے راشن ریلیف پیکیج ݙتا ڳعے۔
