اسلام آباد۔5اکتوبر(اے پی پی)وفاقی وزیر تجارت سیّد نوید قمر زمباوے نال پاکستان دے تکڑے کاروباری تعلقات، تجارتی روابط اتے باہمی فائدہ مند شراکت داری ودھاوݨ دا عزم کیتے۔ او اسلام آباد اچ زمبابوے دے غیر مقیم ہائی کمشنرلیفٹیننٹ جنرل(ر) مارٹن چیڈونڈو نال ملݨ ویلھے الیندے پئے ہن۔ سید نوید قمر کارپوریٹ سیکٹر بالخصوص زرعی، فارماسیوٹیکل اتے مشینری دے شعباں اچ تعاون ودھاوݨ دی خواہش کیتی۔ انہاں 29 نومبر توں یکم دسمبر 2022 تئیں جوہانسبرگ اچ تھیوݨ آلی تریڄھی پاکستان-افریقہ ٹریڈ ڈویلپمنٹ کانفرنس اتے سنگل کنٹری نمائش بارے وی الایا۔
