ملتان۔6اکتوبر (اے پی پی):ملتان ویسٹ مینجمنٹ کمپنی دی طرفوں رحمت اللعالمین ﷺہفتہ مناوݨ دے سلسے اچ خصوصی صفائی آپریشن جاری اے۔ ترجمان ملتان ویسٹ مینجمنٹ کمپنی موجب ایں سلسلے اچ خمیس کوں اتھاں یونین کونسل23 اچ خصوصی صفائی کیتی ڳئی ۔سی ای او ملتان ویسٹ مینجمنٹ کمپنی محمدفاروق ڈوگر کاتی مار روڈ ، محلہ کاشی گراں ، تھلہ سادات اتے میلاد پارک دا وزٹ کیتا۔ایں موقع تے محمدفاروق ڈوگر دکانداراں تے شہریاں نال ملاقات کیتی ، محمد فاروق ڈوگر آکھیے جو ربیع الاول دا مہینہ تے عید میلاالنبی محمد (صل اللہ علیہ و آلہ وسلم )دے سلسلے اچ پورے شہر اچ صفائی دے خصوصی انتظامات کیتے ویندے پئن ،حکومت پنجاب رحمت اللعالمینﷺ ہفتہ مناوݨ بارے خصوصی احکامات جاری کیتن۔
