اسلام آباد۔7اکتوبر(اے پی پی)وفاقی وزیر بجلی انجینئر خرم دستگیر خان آکھیے جو عالمی منڈی اچ تیل و ݙالر دے ݙھاندے ملھ پاروں آندے مہینے لوکاں کوں ایف پی اے دی مد اچ وݙا ریلیف ملسی، حکومت ہݨ تئیں 300 یونٹ توں ڳھٹ بجلی استعمال کرݨ آلے صارفین، کساناں اتے سیلاب زدگان کوں ٻجلی دے ٻلاں اچ 65 ارب روپے دا ریلیف ݙتے۔ اے ڳالھ انہاں قومی اسمبلی اجلاس اچ الیندے آکھی جو پچھلے بلاں اچ فیول پرائس ایڈجسٹمنٹ پاروں لوکاں کوں اوکھ ٻھوڳݨا پئے، 10 روپے تئیں فیول پرائس ایڈجسٹمنٹ ڳھٹ تے 10 پیسے تئیں تھی چکی اے تہوں ایندا آندے مہینے فیدہ تھیسی اتے بل ڳھٹ آسن۔
