حیدرآباد۔7اکتوبر (اے پی پی) حکومت سندھ دے ہیپاٹائٹس توں پاک سندھ پروگرام دے انچارج ایڈیشنل ڈائریکٹر ڈاکٹر ذوالفقار علی دھاریجو آکھیا جو سندھ اچ اڄوکے چھل متاثرین کیتے 16 ضلعیاں اچ 106 خصوصی ہیپاٹائٹس اسکریننگ ویکسینیشن کیمپ لاتا ڳیا جئیں اچ تقریباً 11464 لوکاں دے ابتدائی ہیپاٹائٹس بی،سی ٹیسٹ کیتے ڳئے جئیں اچوں 915 اچ ہیپاٹائٹس ہئی اتے تقریباً بندے12650 اتے ٻالاں کوں ہیپاٹائٹس بی توں بچݨ دے ٹیکے لاتے ڳئے۔ ہیپاٹائٹس بی اتے سی مثبت آوݨ آلیاں دے تصدیق کیتے مفت پی سی آر ٹیسٹ کیتے ویسن اتے پی سی آر مثبت آوݨ آلیاں دے مفت علاج کیتے متعلقہ ضلعے دے ڈاکٹرز کوں ہدایت ݙے ݙتی ڳئن ، انہاں خصوصی کیمپاں اچ وزیر اعلی سندھ سید مراد علی شاہ ، ناصر شاہ صاحب،ڈاکٹر جمن باہوٹو صاحب ڈی جی ہیلتھ سندھ شرکت کیتی۔
