برلن۔13اکتوبر (اے پی پی) ورلڈ ہیلتھ آرگنائزیشن اتے یوروپی سنٹر فار ڈیزیز پریونشن اینڈ کنٹرول آکھیا جو کووڈ ۔19انفیکشن دی ہک بئی لہر یورپ اچ آوݨ دا خدشہ اے کیونجو پورے خطے اچ کیسز ودھݨ شروع تھی ڳئن۔ برطانوی خبررساں ادارے دے مطابق ڈبلیو ایچ او دے یورپ دے ڈائریکٹر ہنس کلوج اتے ای سی ڈی سی دی ڈائریکٹر اینڈریا امون ہک سانجھے بیان اچ آکھیا جو کورونا دی وبائی بیماری اڄاں مُکی کائنی۔ اساں بدقسمتی نال یورپ اچ ہک واری ولا کوروناوائر دے اشارے ودھدے ہوئے ݙیکھدے پیوں جئیں توں پتہ لڳدے جو کورونا وائرس انفیکشن دی ہک ٻئی ممکنہ لہر شروع تھی ڳئی اے۔
