حکومت ملک اچ جامع اتے پائیداراقتصادی نموکیتے اقدامات کریندی پئی اے،آئی ایم ایف دے پروگرام کوں مکمل کرݨ اچ پرعزم اے، وزیرخزانہ اسحق ڈار

اسلام آباد۔14اکتوبر(اے پی پی) وفاقی وزیر خزانہ و محصولات سینیٹر محمد اسحاق ڈار آکھیے جو حکومت ملک اچ جامع اتے پائیداراقتصادی نمو کیتے اقدامات کریندی پئی اے ، حکومت پاکستان آئی ایم ایف دے پروگرام کوں مکمل کرݨ اچ پرعزم اے۔انہاں اے ڳالھ واشنگٹن ڈی سی اچ بین الاقوامی مالیاتی فنڈ اتے عالمی بینک دےاعلیٰ عہدیداراں اتے کثیرالجہتی شراکت داراں نال ملاقاتاں اچ آکھی اے ۔ وزیرخزانہ واشنگٹن ڈی سی اچ آئی ایم ایف دی ڈپٹی منیجنگ ڈائریکٹر اینٹونیٹ سائیہ نال ملاقات کیتی۔ وزیرخزانہ انہاں کوں پاکستان اچ غیر معمولی سیلاب توں تھیوݨ آلے ضیان تے معیشت کوں مستحکم تے پائیداربݨاوݨ دے علاوہ ایندی لچکدار بحالی کیتے حکومت پاکستان دے وژن بارے ݙسایا ۔ایم ایف دی ڈپٹی منیجنگ ڈائریکٹر حکومت دیاں پالیسیاں دی تعریف کیتی تے آئی ایم ایف دی طرفوں پاکستان کوں تعاون جاری رکھݨ دا یقین ݙیوائے ۔وزیر خزانہ عالمی بینک دے صدر ڈیوڈ مالپاس نال ملاقات اچ پاکستان دی سماجی اقتصادی ترقی اچ مسلسل تعاون تے بینک دا شکریہ ادا کیتے۔ انہاں غیرمعمولی تباہ کن سیلاب دے بعد بچاوݨ تے امدادی کارروائیاں اچ مدد تے عالمی بینک دا شکریہ ادا کیتے۔ صدر مالپاس یقین ݙیوائے جو بینک پاکستان کوں سیلاب دی وجہ توں سماجی و اقتصادی چیلنجاں تے قابو پاوݨ اچ مدد کرݨ کیتے حکومت پاکستان نال رل تے کم کریندا رہ ویسی ۔وزیر خزانہ جنوبی ایشیا کیتے عالمی بینک دے نائب صدر مارٹن رائزر نال وی ملاقات کیتی ، انہاں نائب صدر رائسر دا پاکستان دے دورے تے شکریہ ادا کیتے تے آکھیے جو ایں دورے تباہ کن سیلاب توں تھیوݨ آلے زبردست نقصانات دا اندازہ لاوݨ اچ مدد کیتی اے ۔ نائب صدر یقین ݙیوئے جو بینک انہاں معاشی مشکلات تے قابو پاوݨ اچ پاکستان دی حمایت جاری رکھیسی جنہاں دا ملک کوں سامݨا اے ۔وزیرخزانہ اسلامی ترقیاتی بینک دے صدر ڈاکٹر محمد سلیمان الجاسر نال ملاقات کیتی تے اسلامی ترقیاتی بنک دے پاکستان نال مسلسل رابطے تے شکریہ ادا کیتے۔ ۔وزیر خزانہ واشنگٹن ڈی سی اچ تھیوݨ آلے آئی ایم ایف/ورلڈ بینک دے 2022 دے سالانہ اجلاساں اچ پاکستان دے وفد دی قیادت کریندے پئن ، ٻئے مندوبین اچ وفاقی وزیر اقتصادی امور سردار ایاز صادق، وزیر مملکت خزانہ و محصولات ڈاکٹر عائشہ غوث پاشا، گورنر سٹیٹ بینک آف پاکستان جمیل احمد، سیکرٹری خزانہ حمید یعقوب شیخ، ڈاکٹر کاظم احمد شامل ہن ۔ سیکرٹری اقتصادی امور ڈویژن نیاز اتے، ایڈیشنل سیکرٹری فنانس ڈویژن جناب علی طاہر وی رلے ہن۔