اقوام متحدہ۔14اکتوبر(اے پی پی) اقوام متحدہ اچ پاکستان دے مستقل مندوب منیر اکرم سلامتی کونسل دے صدر نال ملاقات کیتی تے وزیرخارجہ بلاول بھٹو زرداری داخط انہاں دے حوالے کیتا جیں اچ انہاں بھارت دے غیر قانونی زیر تسلط جموں و کشمیر دی خطرناک صورتحال بارے ݙسائے ،اکتوبر کیتے سلامتی کونسل دی صدارت گیبون دے سفارت کار مائیکل بیانگ کنے ہے ۔اقوام متحدہ اچ پاکستان دے مشن دی طرفوں جاری بیان موجب آپݨے خط اچ بلاول بھٹو زرداری سلامتی کونسل اتے اقوام متحدہ دے جنرل سیکرٹری انتونیو گو تریش تے زور ݙتے جو او جموں وکشمیر دے مسئلے دا سلامتی کونسل دیاں قرارداداں تے کشمیری عوام دیاں امنگاں دے مطابق حل کراوݨ کیتے ٹھوس اقدامات کرن۔پاکستانی مندوب ایندے توں پہلے جنرل اسمبلی دی سپیشل پولیٹکل اینڈ ڈی کالونائزیشن ( فورتھ) کمیٹی دے اجلاس توں خطاب اچ جموں و کشمیر تے بھارت دے غیر قانونی تسلط کوں جدید دور دے نوآبادیاتی نظام دا بدترین مظہر قرار ݙیندے ہوئیں عشریں توں حل طلب ایں مسئلے کوں حل کرݨ دی لوڑھ تے زور ݙتا ، انہاں آکھیے 1946 دے بعد توں ہݨ تعیں 80 سابق نوآبادیاں آزادی حاصل کر چکن لیکن کجھ لوکاں کوں ہݨ وی حق خود ارادیت ݙیوݨ توں انکار کیتا ویندا پئے تے بھارت دے غیر قانونی زیر تسلط جموں و کشمیر تے فلسطین ایں دی نمایاں مثالاں ہن۔
