صدر مملکت ڈاکٹر عارف علوی پیمرا اچ جنسی ہراسیت دا کیس ولا سݨیڄ کیتے وفاقی محتسب برائے انسداد ہراسیت بارے کر ݙتا

اسلام آباد۔14اکتوبر (اے پی پی) صدر مملکت ڈاکٹر عارف علوی پیمرا اچ جنسی ہراسیت دا کیس ولا سݨیڄ کیتے وفاقی محتسب برائے انسداد ہراسیت بارے کر ݙتا۔ جمعے کوں ایوانِ صدر دے پریس ونگ دے مطابق پیمرا دے ہک جنرل منیجر کوں تریمت کوں جنسی طور ہراساں کرݨ دے الزام اچ ہک پاسہ سزا سݨائی ڳی ہئی، جی ایم پیمرا اتے ہک ڈی جی کوں ہراسگی کیس اچ قصوروار قرار ݙتا ڳیا ہئی، صدر مملکت ڈی جی پیمرا کوں ”نوکری توں برطرفی“ اتے پنجوی لکھ روپے جرمانے دی سزا سݨا چکین۔ صدرمملکت کیس وفاقی محتسب برائے انسداد ہراسیت بارے کریندیں ہوئیں آکھیا جو ملزم، جان کوں خطرے پاروں پاکستان توں باہر چھٹی تے ہئی، محتسب مقدمے دا فیصلہ ہک پاسہ طور تے کیتا، وفاقی محتسب برائے انسداد ہراسیت بمقام کار ملزم کوں سݨݨ دا موقع ݙیوے۔