بلوچستان حکومت سارے وسائل بروئےکارگھن آندے ہوئیں چیف جسٹس ایم نور مسکان زئی دے قاتلاں کوں گرفتار کرے ،وزیر اعظم شہباز شریف

اسلام آباد۔15اکتوبر(اے پی پی) وزیر اعظم شہباز شریف وفاقی شریعی عدالت اتے بلوچستان ہائی کورٹ دے سابق چیف جسٹس، جسٹس ایم نور مسکان زئی دے قتل دی مذمت کریندے ہوئیں ہدایت کیتی اے جو بلوچستان حکومت سارے وسائل بروئے کار گھن آندے ہوئیں قاتلاں کوں انصاف دی کچاری اچ گھن آوے ۔ہفتے کوں اپݨے ٹویٹ اچ انہاں بلوچستان حکومت کوں ہدایت کیتی جو او سارے وسائل بروئےکار گھن آندے ہوئیں جسٹس ایم نور مسکان زئی دے قاتلاں کوں گرفتار کرے اتے انہاں کوں قرار واقعی سزا ݙتی ونڄے ، انہاں سوگوار خاندان دے نال تعزیت وی کیتی اے ۔