وزیر خارجہ بلاول بھٹو زرداری دی چین دی کمیونسٹ پارٹی دی 20 ویں قومی کانگریس تے مبارکباد

اسلام آباد۔16اکتوبر(اے پی پی):وزیر خارجہ بلاول بھٹو زرداری چین دی کمیونسٹ پارٹی دی 20 ویں قومی کانگریس تے مبارخ ݙیندے ہوئیں آکھیے جو کمیونسٹ پارٹی اپݨی پوری تاریخ اچ عالمی امن اتے چین دی ترقی تے خوشحالی کیتےودھ ساری خدمات انجام ݙتن ۔کمیونسٹ پارٹی دے جنرل سیکرٹری شی جن پنگ دی سربراہی اچ عوامی جمہوریہ چین ترقی دے تکھے ترین سفر تے گامزن اے۔ آپݨے تہنیتی پیغام اچ بلاول بھٹو زرداری آکھیے جو مائو زے تنگ جیہے ہیرو لیڈر دی زیر سایہ بݨݨ آلی چینی کمیونسٹ پارٹی دی 20 ویں قومی کانگریس ایجھے ویلھے اچ تھیندی پئی جݙاں عالمی سیاسی، معاشی اتے اقتصادی صورتحال بدلدی پئی اے میکوں اعتماد اے جو شی جن پنگ دی مدبرانہ قیادت اچ چینی کمیونسٹ پارٹی عالمی سیاست اتے امن اچ اپݨا کردار جاری رکھیسی ۔ انہاں آکھیے جو پاکستان پیپلزپارٹی تے چین دی کمیونسٹ پارٹی وچال تعلقات دی ھک تاریخ اے ، میݙے نانا شہید ذوالفقار علی بھٹو اتے میݙی والدہ شہید بے نظیر بھٹو اتے سابق صدر آصف علی زرداری ݙوہیں جماعتاں دے درمیان ݙوطرفہ تعلقات کوں مستحکم بݨاوݨ کیتے کلیدی کردار ادا کیتے ۔ پاکستان دے عوام ہر موسم اچ آزمودہ اتے پکے بھرا چین کوں کمیونسٹ پارٹی دی 20 ویں قومی کانگریس تے مبارخ ݙیندے ہوئیں اے توقع رکھیندن جو ݙوہیں ملکاں وچال نیڑے تعلقات ٻئے پکے تھیسن ۔