اسلام آباد۔17اکتوبر (اے پی پی) وفاقی وزیر اطلاعات تے نشریات مریم اورنگزیب آکھیا جو ضمنی انتخابات دا نتیجہ الیکشن کمیشن اتے اداریاں دی جانبداری دے خلاف فارن فنڈڈ فتنے دے بیانیہ دی موت اے۔ عمران خان پارلیمنٹ اچ آپݨی ݙو سیتاں ڳھٹ تھیوݨ تے جشن مناوݨ دا ڈھونگ کریندی پئی اے، عمران خان کنے پارلیمان اچ 172 دا میجک نمبر موجود اے، پی ٹی آئی دی اٹھ اچوں ݙو ٻئی سیٹاں ہر تے عمران خان پارلیمنٹ اتے حکومت کوں ڈکٹیٹ نی کر سڳدے۔ سڑکاں تے یلغار اتے وفاقی دارالحکومت تے حملہ کر تے حکومت نی ڈھائی ونڄ سڳدی۔ حکومت بدلݨ کیتے 172 ارکان دی اکثریت ثابت کرݨٰی پوسی۔ انہاں آکھیا جو حکومت دی تبدیلی دا طریقہ اسلام آباد تے جتھے نال یلغار کرݨ نی۔ مریم اورنگزیب آکھیا جو ”ایبسولوٹلی فراڈ” کیا اڄ وی پریس کانفرنس اچ چیف الیکشن کمشنر توں استعفی منڳسے؟ ”فارن ایجنٹ” کیا اڄ وی نیوٹرلزدے خلاف تقریر کریسی؟
