اسلام آباد۔17اکتوبر(اے پی پی)سعودی مسلح افواج دے ڈائریکٹر جوائنٹ چیفس آف اسٹاف، میجر جنرل حمید بن رافع العامری دی اڳواݨی اچ سعودی مسلح افواج دے وفد پاک فضائیہ دے سربراہ ایئر چیف مارشل ظہیر احمد بابر سدھو نال ملین۔ انہاں علاقائی سلامتی دی صورتحال اتے ݙوطرفہ دفاعی تعاون ودھاوݨ تے الایا۔ رافع العامری سیلاب دے نقصاناں تے افسوس کریندے متاثرین نال ہمدردی کیتی۔ انہاں سیلاب زدگان دا ہتھ ونݙاوݨ کیتے پاک فضائیہ دے کردار دی تعریف کیتی۔ انہاں ہوا بازی دی صنعت اچ پاک فضائیہ دی خود انحصاری دی صلاحیت منیندے ہوئے ݙوہاں فضائی افواج وچال تربیت اتے آپریشنل صلاحیتاں ودھاوݨ سانقے تعلقات ٻئے تکڑے کرݨ تے زور ݙتے۔ سربراہ پاک فضائیہ سعودی عرب ولوں سیلاب متاثرین دی مدد تے شکریہ ادا کیتے۔
