واشنگٹن۔18اکتوبر (اے پی پی) امریکی محکمہ خارجہ آکھیا جو پاکستان دے آپݨے جوہری اثاثیاں دی حفاظت کرݨ دے عزم اتے صلاحیت تے اعتماد اے۔ اے ڳالھ امریکی محکمہ خارجہ دے ترجمان ویدانت پٹیل معمول دی نیوز بریفنگ اچ آکھی۔ پاکستانی سفارتخانے ولوں جاری پریس ریلیز دے مطابق امریکی محکمہ خارجہ دے ترجمان دا بیان امریکا اچ پاکستان دے سفیر مسعود خان اتے امریکی وزیر خارجہ انٹونی بلنکن دے سینئر پالیسی ایڈوائزر ڈیرک شولٹ وچال ملاقات دے بعد سامھے آیا۔ امریکی محکمہ خارجہ دے ترجمان آکھیا جو پاکستان دے آپݨے جوہری اثاثیاں دی حفاظت کرݨ دے عزم اتے صلاحیت تے اعتماد اے۔ قونصلرڈیرک شولٹ پاکستانی سفیر مسعود خان نال ملاقات دے بعد ٹویٹ اچ آکھیا جو ملاقات اچ امریکا اتے پاکستان وچال پراݨی سانجھے داری تے ڳالھ کیتی ڳی اے اتے ݙوہیں ملکاں دی عوام اتے خطے دے فائدے کیتے صحت، زراعت، تعلیم، انٹرپرینیورشپ، توانائی اتے ٻے شعبیاں اچ تعلقات کوں ٻیا ودھاوݨ تے ڳالھ کیتی ڳی۔
