خاران۔18اکتوبر(اے پی پی)بلوچستان دے علاقے خاران اچ سی ٹی ڈی اتے حساس اداریاں ہک کارروائی کریندے 4 مبینہ دہشتگرد مار ݙتن جیڑھے نوشکی اچ ایف سی ہیڈ کوارٹر تے حملے اچ ملوث ہن۔ محکمہ انسداد دہشتگردی (سی ٹی ڈی) حکام ݙسائے جو سکیورٹی فورسز خفیہ اطلاع تے خاران دے علاقے زیریں جنگل اچ کارروائی کیتی اے اتے فائرنگ اچ چار مبینہ دہشتگرد ماریے ڳین۔ کارروائی دے بعد سرچ آپریشن اچ مبینہ دہشتگرداں توں اسلحہ و گولہ بارود وی ملیے۔ ہلاک دہشتگرد نوشکی ایف سی کیمپ تے حملاں سودھا خاران اتے ایندے نال دے علاقیاں اچ ٹارگٹ کلنگ اچ وی ملوث ہن۔
