اسلام آباد۔18اکتوبر(اے پی پی) الیکشن کمیشن پنجاب حکومت کوں ہفتے اچ بلدیاتی قانون ٻݨاوݨ دا حکم ݙتے۔ چیف الیکشن کمشنر سکندر سلطان راجہ دی اڳواݨی اچ 3 رکنی بینچ پنجاب اچ بلدیاتی انتخابات تے سماعت کیتی جیندے اچ سپیشل سیکرٹری الیکشن کمیشن بینچ کوں بریفنگ ݙتی اتے چیف سیکرٹری پنجاب وی کمیشن اچ پیش تھین۔ سپیشل سیکرٹری ݙسایا جو 14 اپریل 2022 کوں الیکشن کمیشن پنجاب اچ بلدیاتی انتخابات دا شیڈول جاری کیتے جیندے تے لاہور ہائیکورٹ اسٹے ݙتے۔ پنجاب حکومت ہݨ نویں بلدیاتی انتخابات دا آرڈیننس جاری کیتے ٻھل آرڈیننس یا ایندے رولز ساݙے نال نئیں ونݙیے، اساں ݙو واری حلقہ بندیاں کرائن جیندے اخراجات پنجاب حکومت توں ݙیوائے ونڄن نتاں توہین دی کارروائی کیتی ونڄے۔ چیف الیکشن کمشنر آکھیا جو اساں جلد بازی اچ ای وی ایم نال ووٹنگ کرا تے نواں کٹا نسے کھول سڳدے، جیکر الیکشن کراب تھی ڳیا تاں کوں ذمہ واری ڳھنسی؟ سپریم کورٹ ریفرنس ٻھجیسوں جو پنجاب حکومت الیکشن نئیں کرویندی پئی، پنجاب حکومت 7 ݙینھاچ بلدیاتی حکومت دا قانون ٻݨاوے نتاں پچھلے قانون تے بلدیاتی انتخابات کرا ݙیسوں۔ بعد اچ الیکشن کمیشن آف پاکستان سماعت آندے ہفتے خیمس تئیں ملتوی کر ݙتی۔
