اسلام آباد۔ 26 اکتوبر(اے پی پی)آئرلینڈ انگلینڈ کوں آئی سی سی مینز ٹی 20 ورلڈ کپ دے اہم میچ اچ ہرا تے سُپر 12 مرحلے اچ پہلا اپ سیٹ کرݙتے۔ میچ دا فیصلہ ڈک ورتھ لوئس سسٹم دے تحت تھئے۔ میلبورن کرکٹ گراؤنڈ اچ میچ مینھ پاروں دیر نال شروع تھئے۔ پہلے ہی اوور اچ ولا مینھ وس پیا بعد اچ میچ ٹریا تاں آئر لینڈ 19.2 اوورز اچ 157 رنز سکور کیتن۔ آئرش کپتان اینڈی بالبرنی 62 رنز نال اڳو رہین۔ لورکان ٹکر 34، کرٹس کیمفر 17، پال اسٹرلنگ 14 اتے گیرتھ ڈیلانی 12 رنز ٻݨائن۔ انگلینڈ ولوں مارک ووڈ اتے لیئم لیونگسٹن 3،3 وکٹاں ڄݙاں جو سیم کرن 2 اتے بین اسٹوکس ہک ہک وکٹ ڳھدی۔ ولدے اچ انگلش ٹیم اوکھی تھی ڳئی جو کپتان جوز بٹلر صفر، ایلکس ہیلز 7 رنز، بین سٹوکس 6، ہیری بروک 18 رنز تے آئوٹ تھین ٻھل ڈیوڈ ملان 35 رنز دی ذمہ دارانہ اننگز کھیݙی۔ میچ دے چھیکڑ تے معین علی 12 گینداں تے 24 رنز ٻݨائن اتے مینھ پاروں میچ رک ڳیا ڄݙاں انگلش ٹیم پار اسکور توں 5 رنز دی وتھی تے ہئی۔ آئرلینڈ ولوں جوش لٹل 2، بیری میکارتھی، گیرتھ ڈیلانی اتے جارج ڈوکریل ہک ہک وکٹ ڳھدی اتے ڈک ورتھ لوئس سسٹم دے تحت 5 رنز توں ہرا تے میگا ایونٹ دے سپر 12 رائونڈ دا پہلا اپ سیٹ کر ݙتے۔
