اسلامیہ یونیورسٹی بہاولپور دے مین آڈیٹوریم دا ناں “خواجہ غلام فرید آڈیٹوریم ” رکھ ݙتا گئے ،وائس چانسلر پروفیسر اطہر محبوب دا خواجہ فریدؒ چیئر ولوں 2 ݙینھ نیشنل سیمینار دے موقعے تے اعلان

اسلام آباد۔28اکتوبر(اے پی پی سرائیکی سروس) اسلامیہ یونیورسٹی بہاولپور دے مین آڈیٹوریم دا ناں “خواجہ غلام فرید آڈیٹوریم ” رکھ ݙتا گئے۔  خواجہ فرید سیمینار دے موقعے تے وائس چانسلر سرائیکی نیوز سروس کوں ڈسایا جو خواجہ فرید چئیر دی کمیٹی ݙوں سالاں تو ولی عہد دربار فرید  ڈائریکٹر خواجہ فریدؒ خواجہ راول معین کوریجہ سئیں دی نگرانی اچ چنگے کم کریندی پئی اے ۔۔جیندے اچ پہلے آفیشل ویب سائیٹ داا اجراء کیتا گیا اے ۔سیمینار اچ ولی عہد دربار فریدؒ ڈائریکٹر خواجہ فریدؒ چیئر خواجہ راول معین کوریجہ سئیں چیئر دی کارکردگی دے حوالے نال تفصیلی بریفنگ ݙتی اے۔خواجہ فرید چئیر کمیٹی دی میٹنگ اچ شیخ سعید  مجاہد جتوئی ، ڈاکٹر عصمت اللہ شاہ ، ڈاکٹر سعدیہ کمال ، صمد شیر عباسی ، اللہ یار چنڑ ،اطہر لاشاری شریک تھئے ۔کمیٹی پچھلی میٹنگ اچ تجویز ݙتی ہئی جو مین آڈیٹوریم دا ناں “خواجہ غلام فرید ” دے ناں تے رکھیا ونجے۔تجویز کمیٹی ممبر ڈاکٹر عصمت اللہ شاہ ݙتی ہئی جیندے تے عملدرآمد کریندے ہوئے سیمینار دے اخیر اچ  وائس چانسلر پروفیسر ڈاکٹر اطہر محبوب اعلان کر ݙتا۔