اسلام آباد۔28اکتوبر(اے پی پی سرائیکی سروس) اکادمی ادبیات پاکستان قومی ورثہ تے ثقافت ڈویژن ولوں ترائے روزہ بین الاقوامی کانفرنس 31 اکتوبر توں 02 نومبر تئیں اسلام آباد اچ تھیسی جئیں دا موضوع ” بچوں کا ادب:ماضی، حال اور مستقبل” اے۔ پاکستان اچ بین الاقوامی سطح تے آپݨی نوعیت دی اے پہلی کانفرنس ہوسی۔ ایں کانفرنس اچ 31 اکتوبر کوں افتتاحی تقریب تھیسی اتے ݙو نومبر تئیں 30 توں ودھ سیشن تھیسن جئیں اچ پورے ملک توں دانشور، سکالر ، ٻالاں دے ادب دے حوالے نال ڳالھ مہاڑ کریسن۔ کانفرنس دے تریجھے ݙینھ ادبیات، اطفال اتے نصاب سازی دا سیشن ݙو توں ترائے وجے ݙینھ تھیسی اتے سرائیکی زبان دے ݙو درجن توں ودھ کتاباں دے مصنف حفیظ خان ایندی صدارت کریسن۔
