میلبورن۔11نومبر (اے پی پی) کون ٻݨسی مینز ٹی ٹونٹی ورلڈ کپ دا چیمپئن ؟ پاکستان اتے انگلینڈ وچالاٹھواں آئی سی سی مینز ٹی ٹونٹی ورلڈ کپ دا فائنل 13 نومبر آݙت وار کوں ایم سی جی ،میلبورن اچ کھیݙیا ویسی۔ فائنل میچ پاکستان دے ویلھے دے مطابق ݙینھ ہک وڄے شروع تھیسی۔ انٹرنیشنل کرکٹ کونسل ولوں آسٹریلیا اچ جاری اٹھواں آئی سی سی مینز ٹی ٹونٹی ورلڈ کپ کرکٹ ٹورنامنٹ آپݨے چھیکڑی مرحلے اچ اے۔ میگا ایونٹ اچ شائقین کرکٹ کوں ٻہوں دلچسپ اتے کانٹے دار مقابلے ݙیکھݨ کوں ملدے پن۔ میگا ایونٹ دے چیمپئن دا فیصلہ 13 نومبر کوں میلبورن اچ تھیسی۔ میلبورن اچ ایں ݙینھ مینہ وسݨ دا وی امکان اے۔
