اسلام آباد۔11نومبر(اے پی پی سرائیکی سروس) اکادمی ادبیات پاکستان اسلام آباد ولوں ترائے ݙینھ دی بین الاقوامی کانفرنس “بچوں کا ادب : ماضی حال اور مستقبل” کامیابی نال مُک ڳی اے۔ ایں موقع تے سینئر صحافی تے ادیب فریدہ حفیظ سرائیکی نیوز نال ڳالھ مہاڑ کریندیں ہوئیں آکھیا جو ماضی اچ گھراں اچ رسالے اخبار امدے ہن اتے اساں ٻال پڑھدے ہاسے،اوں دور اچ پارک، ، لائبریریاں ، کھیݙاں اتے تفریح دے موقع ہن پر ہݨ بدلدے رجحانات سارا کجھ مُکا ݙتے۔ ہݨ ٻالاں کیتے ٻہوں نویں ٹیکنالوجی پاروں جہتاں بدل ڳن۔ ماضی اچ ٻالاں دے ادب کوں اہمیت ݙتی ویندی ہئی پر بدقسمتی نال ہݨ نظرانداز کر ݙتا ڳے۔ انہاں آکھیا جو اساں ٻالاں کوں نظر انداز کر تے اڳوں ترقی نی کر سڳدے۔
