بیجنگ۔23نومبر (اے پی پی) چین دنیا دے ساریاں توں وݙے مصنوعی سجھ منصوبے دا بنیادی حصہ پورا کر ڳھدے ۔ چینی خبر رساں ادارے دی رپورٹ دے مطابق اے حصہ دراصل ٻہوں اُچے درجہ حرارت برداشت کرݨ آلا پینل اے۔ ایں حصے اچ ری ایکٹراچ عمل ایتلاف وچال ٻݨݨ آلا پلازما جمع تھیسی۔ ایں ریکٹر اچ عمل ایتلاف توں ٻہوں ودھ مقدار اچ ماحول دوست توانائی ٻݨائی ویسی۔ اے منصوبہ دنیا دا ساریاں توں وݙا نیوکلیئر فیوژن ری ایکٹر پراجیکٹ اے جیں کیتے چین دے علاوہ یورپی یونین ، امریکا، جاپان، جنوبی کوریا، بھارت اتے روس فنڈز ݙیندے پن۔ منصوبے تے کم کرݨ آلی چائنا نیشنل نیوکلیئر کارپوریشن دی ذیلی کمپنی سائوتھ ویسٹرن انسٹی ٹیوٹ آف فزکس جاری بیان اچ آکھیا جو انٹر نیشنل تھرمو نیوکلیئر ایکسپیریمنٹل ری ایکٹر( آئی ٹی ای آر) دے ݙاہ کرور درجے سینٹی گریڈ دا ٻہوں درجہ حرارت برداشت کرݨ دی صلاحیت رکھݨ آلے پہلے وال پینل دی تیاری پوری تھی ڳی اے۔ انٹر نیشنل تھرمو نیوکلیئر ایکسپیریمنٹل ری ایکٹر دنیا دا ساریاں توں وݙا اتے اہم بین الاقوامی سائنسی تحقیق دا منصوبہ اے جئیں کوں مصنوعی سجھ دا ناں ݙتا ڳے۔
