اسلام آباد۔28نومبر (اے پی پی) پاکستان اتے انگلینڈ وچال ترائے میچاں دی سیریز دا پہلا ٹیسٹ میچ یکم دسمبر توں راولپنڈی کرکٹ سٹیڈیم اچ شروع تھیسی۔انگلینڈ دی ٹیم پاکستانی سرزمین تے 17 سال بعد ٹیسٹ سیریز کھیݙݨ کیتے پاکستان پڄ ڳی اے۔ پاکستان اتے انگلینڈ دی ٹیماں پہلے ٹیسٹ میچ توں پہلے تیاری کریندی پی اے۔ انگلینڈ کرکٹ ٹیم کوں مایہ ناز آل رائونڈر بین سٹوکس لیڈ کریسن اتے پاکستان دی ٹیم پہلے ٹیسٹ میچ اچ مایہ ناز بلے باز بابر اعظم دی قیادت اچ میدان اچ لہسی۔ ݙوہیں ٹیماں وچال ترائے میچاں دی سیریز دا ݙوجھا ٹیسٹ میچ نو دسمبر توں کرکٹ سٹیڈیم ،ملتان جڈانجو تریجھا تے چھیکڑی ٹیسٹ میچ 17دسمبرتوں نیشنل کرکٹ سٹیڈیم ،کراچی اچ شروع تھیسی۔
