اسلام آباد۔5 دسمبر(اے پی پی سرائیکی نیوز سروس)اسلام آباد اچ تھیوݨ آلا لوک ورثہ میلہ ݙاہ ݙینھ بعد مک گیا، چارے صوبیاں اتے گلگت بلتستان دی ثقافت کوں اڳونہا کیتا ڳیا ہا جیندے اچ لوکاں ودھ دلچسپی ݙکھائی اتےس ارے سٹالز تے وݙا رش رہے۔ میلے اچ ملک دی ریتی، ثقافت اتے فن دا نویکلا رنگ پیش کیتا ڳئے۔ میلے اچ کشمیر تے گلگت بلتستان دی موسیقی تے جھمر ناچ وی ہن ٻھل سب توں ودھ پنجاب پویلین اچ رش رہیا۔ کورونا پابندیاں مکݨ توں بعد تھیوݨ آلا اے میلہ دلچسپی نال بھریا رہے جیندے اچ پورے ملک سودھا وݙی تعداد اچ غیرملکی شائقین وی شرکت کیتی اتے پاکستان دا ہر سوھݨا رنگ ݙیکھ تے تعریف کیتی۔ میلہ بھرپور رنگ وینݙیندا ݙاہ ݙینھ بعد مک ڳئے اتے پورے ملک توں آئے فنکاران میلے کوں کامیاب تے بہترین قرار ݙتا۔
