اسلام آباد۔9دسمبر(اے پی پی) وزیر خارجہ بلاول بھٹو زرداری آکھیے جو پاکستان سنگاپور دے نال ݙوطرفہ اتے آسیان دے تناظر اچ آپݨے تعلقات کوں ٻہوں اہمیت ݙیندے ، سنگاپور تے پاکستان دے درمیان تجارت اچ رل تے کم کرݨ دی ٻہوں سارے امکانات موجود ہن ، ݙوہیں پاسوں دے کاروباری لوکاں کوں تعاون دے مواقع پیدا کرݨ جاری رکھݨا چاہیدے ، پاکستان آسیان دا ساریں توں پراݨا سیکٹرل ڈائیلاگ پارٹنر اے اتے او آسیان دے نال رل تے مکمل ڈائیلاگ پارٹنرشپ کوں مزید ودھارا ݙیوݨ چاہندے ، پاکستان اچ آن لائن تجارت اچ ودھارا تھیندا پئے ، پاکستان دی ای کامرس مارکیٹ تآں 2022 اچ 7.67 ارب ڈالردی آمدن متوقع اے، سنگاپور اتط ٻئے آسیان ملکاں آئی ٹی متعلق ٻہوں ساریاں سرگرمیاں تے مالیاتی خدمات کوں آئوٹ سورس کریندن تے ساݙے نینگراں دیاں صلاحیتاں توں بے پناہ فیدہ چا سڳدن ۔ وزیر خارجہ سنگاپور دے دورہ دے موقع تے ”سٹریٹس ٹائمز“ کوں ھک خصوصی انٹرویو اچ آکھیے جو سنگاپور دی آزادی دے فوراً بعد پاکستان اینکوں منݨ آلے پہلے ملکاں اچ شامل ہئی تے پاکستانی تارکین وطن کمیونٹی ابتدائی سالاں اچ سنگاپور دی ترقی اچ ہم کردار ادا کیتا ۔ انہاں آکھیے جو ݙوہیں ملکاں دی قیادت ماضی اچ اعلیٰ سطح دے دوریں دا تبادلہ کیتے ، سنگاپور دے وزیر اعظم لی کوان یو 1988 اتے 1992 اچ پاکستان دا دورہ کیتا۔ وزیر خارجہ بلاول بھٹو زرداری آکھیے جو انہاں دی والدہ شہید بے نظیر بھٹو 1995 اچ پاکستان دی وزیر اعظم دی حیثیت نال سنگاپور دا دورہ کیتا۔ انہاں آکھیے ویلھے دے نال نال ݙوہیں ملکاں آپݨے ݙو پاسے تعلقات دی رفتار ونڄا ݙتی ۔ بلاول بھٹو زرداری آکھیے او پاکستان تے سنگاپور دے ݙوطرفہ تعلقات دی بحالی تے ݙو پاسے تبادلیں کوں تکھا کرݨ کیتے سنگاپورا دا دورہ کریندے پئن ۔
