حیدرآباد۔13دسمبر (اے پی پی):وفاقی وزیر مواصلات مولانا اسعد محمود آکھیے جو ساݙا مقصد ملک کوں ودھ توں ودھ ترقی ݙے تے بین الاقوامی طور تے ترقی یافتہ ملکاں دی صف اچ گھن آوݨاں اے ، سابقہ حکومت ترقی دا راستہ بند کرݙتا ہئی ہݨ او ول کھل ڳئے ۔ او منگل کوں حیدرآباد اچ موٹر وے ایم6دے سنگ بنیاد دی تقریب توں خطاب کریندے پئے ہن ۔ انہاں آکھیے جݙاں میاں محمد نواز شریف موٹر وے دا سنگ بنیاد رکھیا تاں اساں انہاں دے اتحادی ہاسے تے جݙاں آصف زرداری سی پیک منصوبے دا آغاز کیتا تے اساں انہاں دے اتحادی ہاسے تے اڄ وی اتحادی حکومت دے رلے ہیسے ۔انہاں آکھیے 2016ء اچ ڈیرہ اسماعیل خان اچ میاں نواز شریف شاہراہ دا سنگ بنیاد رکھیا تے ول 2018ء اچ جیڑھی حکومت برسراقتدار آئی اوں منصوبے کوں توڑ نی پڄایا حالانکہ ایندا 70فیصد کم مکمل ہئی لیکن ول وی رکاوٹاں کھڑیاں کیتیاں ڳیاں۔
