گردشی قرضہ ڳھٹاوݨ ترجیح، آئی ٹی برآمدات 5 ارب ڈالر تئیں ودھایاں ونڄ سڳدن، وزیراعظم محمد شہبازشریف دا اجلاس نال خطاب

اسلام آباد۔14دسمبر(اے پی پی)وزیراعظم محمد شہبازشریف آکھیے جو آئی ایم ایف پروگرام مکمل کریسوں، برآمد کنندگان کوں ہر سہولیات ݙتیان ویسن، گردشی قرضہ ڳھٹاوݨ ترجیح، آئی ٹی برآمدات 5 ارب ڈالر تئیں ودھایاں ونڄ سڳدن، بجلی دی پیداوار ودھاوݨ سودھا توانائی دی بچت مہم شروع کیتی ونڄے۔ اے ڳالھ انہاں معاشی صورتحال بارے اسلام آباد اچ اجلاس دی اڳواݨی کریندے آکھی۔ اجلاس اچ خزانہ، اقتصادی امور ڈویژن، منصوبہ بندی، دفاع دے وفاقی وزرا سودھا گرنر سٹیٹ بینک، حبیب بینک، الفلاح بینک دے صدور اتے ٻئے متعلقہ اعلی حکام موجود ہن۔ وزیراعظم معاشی ٹیم کوں اہداف ݙیندے آکھیے جو حکومت عالمی مالیاتی فنڈ (آئی ایم ایف) نال اڄوکا پروگرام پورا کریسی، برآمدات ودھاوݨ کتیے ایکسپورٹرز دی مدد کریسوں اتے ہر سوکھ ݙتا ویسی، حکومت تباہ حالی معشیت کوں ݙینھ رات محنت نال استحکام ݙتے۔ اجلاس اچ اچ ملکی معاشی صورتحال، آئی ایم ایف دے 9ویں جائزے اتے کرنٹ اکائونٹ خسارے تے قابوب پاوݨ دے اقدامات تے غور تھئے۔ وزیراعظم آئی ایم ایف پروگرام دی تکیمل، مالیاتی و کرنٹ اکائونٹ خسارہ ڳھٹاوݨ کیتے ضروری اقدامات اتے انتظامی اصلاحات تے توجہ ݙیوݨ دا آکھیا۔