لاہور۔18دسمبر (اے پی پی):چولستان اچ نویں سکول کھولݨ دی منظوری ݙتی ڳئی ، 63چولستان موبائل سکول اتے 109چولستان کمیونٹی سکول 172 سائٹس تے سکولز کھولیے ویسن ۔ 13 توں ودھ پیف پارٹنرز اتے پیف ملازمین دے مینجمنٹ دے فیصلیں دے خلاف اپیلاں دی سماعت تھی چکی، کجھ سکولاں دی پارٹنر شپ کوں موقع تے بحال کر ݙتا ڳئے ۔ ایم ڈی پیف منظر جاوید منیجنگ ڈائریکٹر پنجاب ایجوکیشن فانڈیشن آکھیے جو چولستان دی 172سائٹس تے نویں سکول کھولݨ دی منظوری ݙتی اے ،چولستان اچ 63چولستان موبائل سکول اتے 109چولستان کمیونٹی سکول کھولیے ویسن ۔ ایں ویلھے 13 توں ودھ پیف پارٹنرز اتے پیف ملازمین دے مینجمنٹ دے فیصلیں دے خلاف دائر شدہ اپیلاں دی سماعت تھی چکی اے ، جݙاں جو ایپلیٹ کمیٹی اچ میرٹ تے فیصلہ کریندے ہوئیں کجھ سکولاں دی پارٹنر شپ کوں موقع تے بحال کیتا ڳئے ۔ اے پی پی نال خصوصی ڳالھ مہاڑ کریندے ہوئیں منظر جاوید آکھیے چولستان اچ نویاں جہیں تے پیف سکولز دے حوالے نال اشتہار وی اخبارات اچ ݙتے تے ہݨ تئیں ہزاراں دی تعداد اچ درخواستاں ملئن جنہاں تے تکھے کم جاری اے تے ملݨ آلیاں درخواستان تے میرٹ تے پورے لہݨ آلے سکول مالکان نال پارٹنر شپ عمل اچ گھن آئی ویسی ۔
