اسلام آباد۔19دسمبر(اے پی پی)وفاقی وزیر خزانہ و محصولات سینیٹر محمد اسحاق ڈارآکھیے جو حکومت ملک اچ غیر ملکی سرمایہ کاری دی حوصلہ افزائی کیتے ودھ سہولتاں ݙیسی۔ اے ڳالھ انہاں ایٹین ایلیٹ رئیل سٹیٹ دے سی ای او طارق حامدی نال ملݨ ویلھے آکھی۔ طارق حامدی مصر دے تاجر نجیب سوارس دے منسوبیاں دی نمائندگی کریندے پئے ہن۔ وزیر خزانہ آکھیا جو پائیدار معیشت و اقتصادی نمو کیتے غیر ملکی سرمایہ کاری ودھاوݨ دی لوڑھ اے، ایں سانڳے حکومت پورا زور لیندی پئی اے۔
