اسلام آباد۔22دسمبر(اے پی پی)سیلاب متاثرین دی بحالی تئیں سکون نال نہ ٻاہساں۔ اے گالھ رشیدہ بیگم ویلفیئر آرگنائزیشن دی چئیر پرسن تے انرویل ڈسٹرکٹ 340 دی چئیرمین رضوانہ تبسم درانی اے پی پی ڈی سرائیکی نیوز سروس نال الیندے آکھی۔ انہاں آکھیا جو تونسہ شریف دے سیلاب متاثرین دی مدد کر تے سکون ملدے، ہنݨ تئیں پاݨی زدہ عوام سانگے مکان ٻݨواوݨ دے 5 مرحلے پورے تھی چکین، میکوں ݙاݙھی خشی تھیندی اے ڄݙاں لوک سر دی چھت ملݨ تے دعائیں کریندن۔ ایں سانڳے تونسہ دے ہک واسی عمران لغاری ݙسائے جو تونسہ دی وستی لغاری تے ریتڑہ اچ سیلاب دے فوری بعد کئی امدادی ٹیماں پڄین ٻھل بعد اچ کہیں وی دید نئیں ٻھنوائی، موسم بدلدے ای لوکاں دا اوکھ ودھدا ویندے اتے لوک سیالے اچ اوکھے ہین، ایںا وکھ اچ محترمہ رضوانہ درانی دے علاوہ کوئی وی مخیر ڄݨا یا تنظیم نئیں ݙسی جئیں متاثرین دا ہتھ ونݙایا ہووے ٻھل رضوانہ درانی حالی تئیں امداد توں ہتھ نئیں چاتا اتے گرم کپڑے، سوڑیں اتے مکان ٻݨِاوݨ کیتے تعمیراتی سمان وی ݙتے، محترمہ رضوانہ درانی وعدہ کیتے جو او تونسہ دے غریب سیلاب متاثرین دی
بحالی تئیں مدد جاری رکھسن۔
