لاہور۔18 جنوری( اے پی پی)انٹرنیشنل کرکٹ کونسل (آئی سی سی) نویں ون ڈے رینکنگ جاری کیتی اے جیندے اچ قومی کرکٹ ٹیم دے سٹار بلے باز اتے کپتان بابراعظم دی شاہی برقرار اے۔ بابراعظم دے 887 ریٹنگ پوائنٹس ہین۔ جنوبی افریقہ دے روسی وین ڈر دوسین 766 پوائنٹس نال ݙوڄھے، کوئنٹن ڈی کاک 759 پوائنٹس نال تریڄھی پوزیشن تے ہین ڄݙاں جو پاکستانی اوپنر بلے باز امام الحق ہک درجہ تنزلی نال چھیویں پوزیشن تے لڳے ڳن جیندے 740 پوائٹنس ہین۔ ٻئے پاسو آئی سی سی ون ڈے ٹیم رینکنگ اچ نیوزی لینڈ پاکستان کوں سیریز ہرا تے پہلی پوزیشن تے پڄ ڳئے ڄݙاں جو پاکستان دا پنڄواں نمبر اے۔
