ملتان۔22جنوری (اے پی پی) 18ویں قومی اتے پہلی بین الاقوامی چولستان جیپ ریلی 6 فروری توں شروع تھیندی پئی اے جیںدے وچ پہلی واری غیر ملکی ریسرز شرکت کریسن ۔اے ڳالھ منیجنگ ڈائریکٹر ٹورازم ڈویلپمنٹ کارپوریشن آف پنجاب (ٹی ڈی سی پی) آغا محمد علی عباس اے پی پی نال ڳالھ مہاڑ کریندے ہوئیں آکھی اے ۔ انہاں آکھیے چولستان جیپ ریلی اچ پہلی واری ترکی تے ایران توں 2 توں 3 غیر ملکی ریسرز شرکت کریسن جݙاں جو امریکہ اتے ٻئے ملکاں توں 15 توں 20 سیاح وی شرکت کریسن جیں کیتے اساں ایران، ترکی، سعودی عرب اتے برطانیہ دے ریسرز نال رابطے اچ ہیسے تے 31 جنوری دے بعد غیر ملکی اتے مقامی ریسرز دی ایونٹ اچ شرکت واضح تھی ویسی انہاں ݙسائے جو جیپ ریلی کیتے ریسرز دی رجسٹریشن ٹی ڈی سی پی دے ڈپٹی منیجر ڈی جی خان شیخ اعجاز ݙسایا جو سنگل فیس نال ریسرز دی رجسٹریشن جاری اے تاں جو 31 جنوری دے بعد توں ڈٻل فیس وصول کیتی ویسی ۔
