اقوام متحدہ۔26جنوری(اے پی پی) اسلامی تعاون تنظیم (او آئی سی)دے رکن ملکاں سویڈن اتے نیدرلینڈز اچ قرآن پاک دی بے حرمتی دے ݙراکلے واقعہ دی شدید مذمت کریندے ہوئیں آکھیے جو اے واقعات اسلاموفوبیا دا مظہر ہن۔پاکستان ایں ویلھے اسلامک کانفرنس آف فارن منسٹرز (آئی سی ایف ایم)دا چیئرمین اے۔ اے اجلاس اقوام متحدہ اچ پاکستان دے مستقل مندوب منیر اکرم دی زیر صدارت منعقد تھیا جیں اچ فیصلہ کیتا ڳئے جو گزریل سال اقوام متحدہ دی جنرل اسمبلی دی منظور کردہ تاریخی قرارداد موجب اسلامو فوبیا دے خلاف عالمی ݙٰینھ مناوݨ کیتے نیویارک اچ اقوام متحدہ اچ خصوصی اجلاس منعقد کیتا ویسی ۔ پاکستانی سفیرآکھیے او آئی سی دے رکن ملک ایں اجلاس دے ذریعے اساں مسلم مخالف بیان بازی اتے نسل پرستی امتیازی سلوک، منفی دقیانوسی تصورات اتے مسلماناں کوں بدنام کرݨ دے طریقیں دا مقابلہ کرݨ تے اینکوں مکاوݨ کیتے بین الاقوامی یکجہتی اتے تعاون دا مطالبہ کریسوں۔
