اسلام آباد۔27جنوری(اے پی پی):وفاقی وزیر ریلوے خواجہ سعد رفیق آکھیے ریلوے دی زمیناں دے کمرشل استعمال دے حوالے نال آندے ݙاہ ݙینھ اچ رولز بݨا تے کابینہ اچ گھن آسوں ، صوبے پاکستان ریلوے دی زمین ایںدے حوالے کرن ، ریلوے اچ مزید کوچز شامل کیتیاں ویندیاں پئن ۔ وفاقی وزیر ریلوے خواجہ سعد رفیق گرین لائن ریل ڳاݙی دی افتتاحی تقریب توں خطاب کریندےھ ہوئیں آکھیے وزیراعظم دے شکرگزار ہیسے جو او ساݙی دعوت تے پاکستان ریلوے دے زیر اہتمام چلݨ آلی گرین لائن دی افتتاحی تقریب اچ شریک تھئن، ماضی اچ نواز شریف دی سربراہی اچ اساں مارگلہ توں جدید گرین لائن ریل ڳاݙی چلائی ہئی جیڑھی نواز شریف حکومت دے خاتمے دے بعد بند کرݙتی ڳئی ، اساں چین توں ٻوگھیاں گھنݨ دا معاہدہ کیتا جیں دے تحت ڈھائی سو نویاں ویگناں ملݨیاں ہن انہاں اچوں 36 آڳن ، کجھ ٻوڳھیاں اتھاں وی بݨسن تے توقع اے جو اڳوں توقع اے ٻاہروں کائناں منگواوڑیاں پوسن ۔ انہاں آکھیے اے ریل ڳافی جدید سہولتاں توں آراستہ ہوسی انٹرنیٹ دی سہولت وی دستیاب ہوسی، اے سروس اسلام آباد توں کراچی تئیں اے، ایں اچ 2200 توں ودھ مسافر سفر کرسڳسن ، پاکستان دے شہری ایں سروس توں فیدہ چاون ۔ انہاں آکھیے 2013 اچ ساݙی حکومت آوݨ تے ریونیو 18 ارب جݙاں جو حکومت چھوڑی تاں 54 ارب روپے ہئی ، ایویں اوں ویلھے وی اساں جݙاں اقتدار سنبھالیا تاں ریلوے خسارے اچ ہئی ، اساں ول صفر توں آغازکیتا، سیلاب وی ریلوے دی چیل بھن ݙتی اساں محدود وسائل توں ریلوے دا نظام بحال کیتا۔ انہاں آکھیے ریلوے کوں پنشن اتے تنخواہ اچ مشکلات دا سامݨا اے، جے ممکن ہووے تاں ساݙی کجھ معاونت کرݙتی ونڄے تاں جو محنت کش پنشنرز دی چُلھ ٻلدی رہے ، آندے کجھ مہینے اچ اے شارٹ فال پورا کرگھنسوں ، ساݙی روزانہ آمدن ساڈھے 15 کروڑ اے جݙاں جو خرچہ 20 کروڑ اے، ریلوے کوں آپݨی زمیناں کمرشل استعمال دی اجازت مل ڳئی اے ، آندے ݙاہ ݙینھ اچ قواعد بݨا تے کابینہ اچ گھن آسوں ، ایں توں وݙا ریونیو حاصل تھیسی ۔ ایں سلسلے اچ وزیراعظم دی مدد درکار ہوسی تاں جو ویلھا ونڄائے بغیراینکوں شروع کرسڳسن اساں ریلوے دی کمرشل برینڈنگ دا آغاز کریندے پیوں ایں توں ارباں روپے ملسن ۔ ایں توں انڄ آپٹک فائبر کیتے اجازت درکارہوسی تاں جو نجی شعبہ شراکت داری دی بنیاد تے اے فائبر وچھیسی۔ انہاں آکھے اتھاں ریلوے اچ نویں تجربے کیتے ویندن ، مال برداری کیتے ریلوے کوں ترجیح ݙتی ونڄݨی چاہیدی اے ایں توں سڑکاں تے ٹریفک گھٹ تھیسی تے گھٹ نرخ تے اے مال برداری تھیسی ۔
