ملتان۔27جنوری (اے پی پی) ایڈیشنل سیکرٹری کوآرڈینیشن تے ایڈمن جنوبی پنجاب محمد فاروق ڈوگر سول سیکرٹریٹ جنوبی پنجاب دے منصوبے تے کم تکھا کرݨ اتے میٹریل دے معیار کوں برقرار رکھݨ دی ہدایت کیتی۔ اے ڳالھ انہاں متی تل اچ ٻݨݨ آلے سول سیکرٹریٹ دی بلڈنگ دے معائنے دے موقع تے ڳالھ مہاڑ کریندیں ہوئیں آکھی۔ ایں موقع تے آئی ڈیپ دے حکام دی انہاں نال ہن۔ محمدفاروق ڈوگر ہدایت کیتی جو پراجیکٹ تے لیبر دی تعداد ودھائی وںجے اتے ݙو شفٹاں اچ کم کیتا ونڄے۔ انہاں آکھیا جو ایڈیشنل چیف سیکرٹری سائوتھ پنجاب کیپٹن(ر) ثاقب ظفر منصوبے کوں جلدی پورا کرݨ چاہندن۔ پراجیکٹ ڈائریکٹر قاسم غفور ایں موقع تے برینفگ ݙیندیں ہوئیں آکھیا جو سیکرٹریٹ کمپلیکس دے گرے سٹرکچردا 80 فیصد کام پورا تھی ڳے اتے بلڈنگ اچ ڈکٹنگ اتے پائپنگ دا کم جاری اے ۔ انہاں ݙسیا جو سول سیکرٹریٹ جنوبی پنجاب دا منصوبہ 504 کنال تے محیط اے اتے منصوبے تے ترائے ارب 50 کروڑ روپے خرچہ امدا پئے۔
