بیجنگ ۔31جنوری (اے پی پی) چین دی پشاور اچ تھیوݨ آلے خود کش حملے دی مذمت کیتی اے۔ چینی خبررساں ادارے موجب وزارت خارجہ دے ترجمان ماؤ ننگ پشاور اچ مسیت اچ تھیوݨ آلے خودکش تے افسوس اتے تشویش کیتی اے۔ انہاں آکھیا جو اساں حملے اچ ہلاک تھیوݨ آضے لوکاں دے ٹبراں نال تعزیت کریندیں ہوئیں زخمیاں دی جلدی صحتیابی کیتے خواہشمند ہن۔ انہاں آکھیا جو چین کہیں وی قسم دی دہشت گردی دی سختی نال مخالفت کریندے اتے دہشت گردی دے خلاف جنگ، قومی استحکام دے دفاع اتے لوکاں دی جاناں دے تحفظ اچ پاکستان دی کوششاں دی حمایت کریندے۔
