ترکیہ اتے شام اچ زلزلے پاروں مرݨ آلیاں دی تعداد پنج ہزار توں ودھ ڳی، ریسکیو آپریشن اچ 65 ملکاں توں 2600 اہلکار شریک

انقرہ،دمشق۔7فروری (اے پی پی) ترکیہ اتے شام اچ زلزلے پاروں مرݨ آلیاں دی تعداد پنج ہزار توں ودھ ڳی اے۔ برطانوی خبر رساں ادارے ترکیہ دے آفات نال نبڑݨ آلے ادارے بارے ݙسیا جو ملک اچ زلزلے پاروں ہݨ تئیں 3419 اموات دی تصدیق تھئی اے اتے شام اچ ملݨ آلی اطلاع موجب ہݨ تئیں زلزلے پاروں 1600 بندے جاں بحق تھئن۔ عالمی ادارہ صحت موجب زلزے نال اموات کئی گنا ودھ سڳدن۔ واضح راہوے جو زلزلے دے علاقے اچ ریسکیو آپریشن جاری اے اتے ریسکیو آپریشن اچ 65 ملکاں توں 2600 اہلکار شریک ہن۔