ملتان۔24مارچ(اے پی پی):ملتان تے نیڑے علاقیں اچ کھمݨ دے نال پوری رات ودھ سارا مینھ وُٹھا تے نشیبی علاقیں اچ پاݨی آڳئے۔ محکمہ موسمیات موجب گزریل چووی گھنٹٖ اچ مجموعی طور تے 56ملی میٹرمینھ ریکارڈ کیتا ڳئے ساریں توں ودھ میںھ کنٹونمنٹ دےعلاقے اچ تھئی ،گل گشت کالونی اچ 45،ایئرپورٹ تے43اتے ملتان شہراچ 23ملی میٹرمینھ وُٹھے ۔موسم جُھڑ آلا رہیا تے سوہݨے موسم دا شہری مزہ گھندے رہیے ۔اڳوں آندے چووی گھنٹے اچ کہیں کہیں جاہ تے ٻیا مینھ وسݨ دا امکان اے ۔ ریسکیو1122 موجب وکھو وکھ جہیں تے چھتاں ڈھݨ دے نتیجے اچ ترائے بندے زخمی تھی ڳئن جݙاں جو مینھ تے تکھی ہوا دے نتیجے اچ برقی رودانظام متاثر تھئے جیں کوں بعد اچ بحال کرݙتا ڳیا ۔
