اسلام آباد۔29مارچ(اے پی پی)قومی اسمبلی کڄھ ترامیم نال سپریم کورٹ پریکٹس اینڈ پروسیجر بل 2023ء منظور کر ڳھدے۔ وزیر قانون و انصاف اعظم نذیر تارڑ قومی اسمبلی اچ قائمہ کمیٹی دی رپورٹ کردہ صورت اچ بل ایوان اچ فی الفور زیر غور ڳھن آوݨ دی تحریک پیش کیتی جیندی منظوری دے بعد انہاں بل پیش کیتا جیندے تے بحث اچ حصہ ڳھندے مولانا عبدالاکبر چترالی آکھیا جو ایں ادارے دا اصل کم قانون سازی اے جیکوں کوئی عدالت یا ادارہ نئیں روک سڳدا ٻھل ازخود نوٹس بل ڳھن آوݨ کیتے عجلت دی بجائے سارے فریقین نال صلاح کرݨی چاہیدی ہئی، ساکوں اپݨے اداریاں کوں مستحکم کرݨا ہوسی، عدلیہ دی مراعات ڄڳ اچ 5 ویں اتے کارکردگی 128 ویں نمبر تے اے۔ تحریک انصاف دے رکن احمد حسن ڈیہڑ آکھیا جو بل نال غریباں کوں انصاف ملسی، ملک کوں تباہ کرݨ دی عالمی سازش تھیندی پئی اے، حامد خان آکھیا جو انارکی ملک کوں غیر مستحکم کرݨ کیتے اے، سوموٹو دا فیصلہ سینئر ترین ججاں دے اختیار نال انصاف دے تقاضے پورے تھیسن۔ تحریک انصاف دے رکن صالح محمد آکھیے جو بل عجلت اچ پیش تھئے، اساں وی عدلیہ اچ اصلاحات دے حق اچ ہیں، ساݙیاں وی ترامیم ڳھدیاں ونڄن، انہاں ترامیم کیتے ݙو ترہائی اکثریت دی لوڑھ اے۔ قائد حزب اختلاف راجہ ریاض احمد بل کوں ویلھے دی لوڑھ قرار ݙتے جو اے عدلیہ دی آزادی کیتے اے، ون مین شو مکسی اتے حکومت اتے اپوزیشن وکلاء دا ترجمان بل پاس کیتے۔ ایم کیو ایم پاکستان دی رکن کنور زہرہ آکھیے جو بل اچ دیر نا کرو، ایوان توں ݙر دی تلواراں ہٹݨیا چاہیدن۔
