اسلام آباد۔19اپریل(اے پی پی)وفاقی وزیرخزانہ ومحصولات سینیٹر محمد اسحاق ڈار آکھیے جو مارچ اچ حسابات جاریہ دے کھاتیاں دا توازن خسارہ دی بجائے وادھو تھی ڳئے۔ اپݨے ٹویٹ اچ انہاں آکھیا جو حسابات جاریہ دے کھاتیاں دا توازن مارچ اچ 654 ملین ڈالر وادھو رہے۔ فروری 2023 اچ اے 36 ملین ڈالر دے خسارہ اچ ھا۔ جولائی توں مارچ تئیں حسابات جاریہ دے کھاتیاں دا خسارہ 3.4 ارب ڈالر ریکارڈ کیتا ڳئے ڄیڑھا پچھلے مالی سال دی ایں مدت اچ 13 ارب ڈالر ھا۔
